Едита Арадиновиќ е бремена, како што беше ексклузивно објавено пред неколку дена, а сега со своите следбеници искрено сподели дека си замерува што не може да одолее на храната.
Како и кај многу трудници, и кај неа апетитот е значително зголемен. По еден настап што го имала, доцна во ноќта се почестила со пица и газиран пијалак, а потоа се снимила и видеото го објавила на Тикток.
„Може ли да бидам поголема ненаситница? Зошто сум ваква? Еве, се нервирам…“, се пожалила пејачката.
Дека не станува збор за изолиран случај, покажа и следната ноќ, кога повторно во доцните часови објави како подготвува палачинки.
Да потсетиме, Едита е во третиот месец од бременоста и очекува дете со Ненад Стевиќ.
