Појадокот кај нас знае да биде бурек или кифла со јогурт за тие што се „на нозе“ или класичните јајца или можеби ретро: леб со мед, путер и чаша чај. Но, остатокот од светот практикува со друг тип на храна да си го почне денот.
Катар
Досас и Карак чај
View this post on Instagram
Многу од кулинарските обичаи на Катар го одразуваат мултикултурализмот на нацијата. Брзиот појадок во Доха е Досас послужени со Карак чај. Ова вкусно дуо е поврзано со силното влијание на Јужна Азија. Инспирирано од индиско-пакистанскиот Масала Чај, чајот Карак е основата на појадокот и единствениот начин да се започне денот во Катар. Составен дел од животот е уште од 1950-тите, кога мигрантите го вовеле рецептот во кафулињата бидејќи ги потсетувал на дома. Црниот чај со млеко се служи во мали чаши засладен со шеќер и кардамон. Често се додаваат други вкусови како цимет, шафран или каранфилче за да се засили профилот на зачини.
(ФОТО) ДРУГ СВЕТ: Како изгледа појадокот во Куба, Јамајка и Мјанмар
Малдиви
Диск Машуни
View this post on Instagram
Традиционалниот појадок на Малдиви е едноставна комбинација од две главни производи: Наан(леб) и салата од туна. Малдивискиот Наан, локално познат како Диск, е леб кој се прави со пченица и кокос. Се пржи во рамна тава за да се постигне совршен баланс помеѓу крцкавост и мекост. Салатата Машуни се прави од свежа туна со чили, кромид, зачини и рендан кокос. Заедно, ова се Малдиви на чинија.
Индонезија
Наси Гудег
View this post on Instagram
„Гудег“ значи џекфрут и е едно од најпопуларните индонезиски јадења за појадок. Во ова јадење, наречено Наси Гудег, незрелиот џекфрут се динста неколку часа во кокосово млеко и се служи со локални специјалитети. Се служи во кутија обликувана од листови од бамбус наречена „Бесек“. Ова јадење често се служи со зачинети крекери од кожа на биволи наречени „Кречек“ и зачинето јајце, кое исто така се готви во кокосовото млеко наречено „Опор Телур Пинданг“. Пржено пилешко (Ајам Горенг) може да се сервира на местото на зачинето јајце.
(ФОТО)ДРУГ СВЕТ: Како изгледа појадокот во Иран, Кина и Холандија?
