Со длабоко деколте и во досега невидено издание, се снимила Сања Савеска, водителката на „Брза кујна“, која изгледа одлично на фотосесијата што ја објави на Инстаграм.
Водителката досега сме ја гледале во елегантни фустани, но никогаш како на новата објава на која е и елегантна и сексапилна.
„Посакај! Заинати се! Оствари!“, пишува до оваа објава.
– Можеби не бев често на екранот, но цело време бев дел од телевизијата. Од утринската емисија, која неколку години сама ја водев, бев префрлена во информативна редакција на ТВ 24, едно убаво искуство кое недостасуваше во мојата работа во медиумите.
Работев како репортер и уживав во подготвувањето на вестите и споделување на информациите. Но, кога најмалку очекував, дојде понудата за водење на „Брза кујна“ и можам да кажам дека дојде во вистински момент.
Отсекогаш посакував вакво шоу, сонував за забавна емисија, бидејќи и самата повеќе се пронаоѓам во тој формат. Ми недостасуваше забава пред камерите, смеа и убава енергија што се создава при подготовка на вакви емисии – рече Сања во едно интервју за „Слободен печат“.
