60-годишниот американски пејач и актер Џони Деп е виден со бастун. Ѕвездата пристигна во Бостон на настап со својот бенд The Hollywood Vampires, кој првично беше одложен поради неговата повреда на глуждот.
Ѕвездата на „Пиратите од Карибите“ се смешкаше и покрај тоа што користеше бастун за да се движи. Сепак, многу од неговите фанови забележаа дека не изгледа најдобро.
Johnny Depp, 60, seen using cane at Boston gig after injuring ankle https://t.co/U4odapLh32 pic.twitter.com/m52c2FzYj6
— Page Six (@PageSix) July 29, 2023
Деп носеше предимензиониран црно-бел кариран блејзер во комбинација со кариран елек со копчиња и бела маица одоздола. Изгледот го надополни со сиви панталони, качкет, слоевити ѓердани и очила за сонце.
Инаку, холивудскиот актер го скрши глуждот додека го промовираше својот најнов филм „Jeanne Dubarry“ на Канскиот филмски фестивал. Повредата се влошила кога Џони настапил на специјална емисија во чест на својот пријател гитарист Џеф Бек. Поради неговата состојба, мораше да се откажат неколку концерти на бендот.
The Hollywood Vampires се основани во 2012 година од Алис Купер, Џони Деп и Џо Пери. Сакаа да го оживеат духот и атмосферата на „The Hollywood Vampires“ – познатиот клуб кој постоеше во 1970-тите, во кој редовно излегуваа Кит Мун, Џон Ленон, Ринго Стар и други легенди на рок музиката.
