Холивудскиот актер Бред Пит се појави во јавноста со капа од модната марка „барбери“ по цена од 320 фунти. Фотографиите се објавени на порталот Дејли меил.
60-годишниот Бред Пит беше „уловен“ од папараците додека го снимаше филмот за Формула 1, на патеката Силверстоун. Холивудскиот актер се појави во јавност облечен во бела маица, крем бомбер јакна, беж панталони и авијатичарски очила за сонце. Изгледот беше комплетиран со капа „барбери“, па многумина поради ваквиот нов имиџ го нарекоа „помодар“.
Новиот блокбастер на ѕвездата кој е во завршна фаза на снимање и кој ќе се вика Ф1, се работи во копродукција со формула 1 возачот Луис Хамилтон.
Бројни читатели на Дејли мејл негативно го коментираа новиот имиџ на Пит.
„Сè на него вреска дека е во средовечна криза“, „Јас вака би се облекол за на риболов“, „Дури и Бред Пит не можеше да ја извлече од ваква монструозна мода“, „Само гопниците носат капи барбери“…се само дел од бројните негативни коментари.
Во ноември 2022 година, за прв пат се појавија гласини за романса помеѓу Бред Пит и Инес де Рамон. Двојката беше забележана заедно на концертот на Боно во Лос Анџелес, а потоа и на премиерата на новиот филм на актерот „Вавилон“. Новата партнерка на Пит е нутриционистка, фитнес тренер и дизајнерка на накит. Инес де Рамон неодамна беше критикувана поради нејзините видливи мустачиња над усните.
