Станаа познати нови детали од врската помеѓу Бред Пит и Инес де Рамон, пишува ЕТ онлајн.
Како се развива романсата на 59-годишниот холивудски актер и дизајнерката на накит, открива инсајдер близок до парот за Ет онлајн, тврдејќи дека „среќни се што се заедно и многу блиски“.
„Бред и Инез сè уште се забавуваат, уживаат во друштво еден на друг и имаат слични интереси. Двајцата се креативни, сакаат да патуваат и се среќни што се дискретни. Добро им оди, но Бред не се брза”, вели изворот, одговарајќи на прашања на новинарот во врска со веројатноста за брак на љубовниците.
Де Рамон неодамна беше забележан како носи приврзок со буквата „Б“, очигледно во чест на името на холивудскиот актер.
View this post on Instagram
Според изворот, „Бред е многу внимателен со кого излегува. Сака да се релаксира и да дозволи работите да се одвиваат природно и спонтано“. Затоа, во блиска иднина дефинитивно нема да има предлог за брак.
Врската на поранешниот сопруг на Анџелина Џоли, и Инес де Рамон стана позната есента 2022. Новата 2023 година ја дочекаа заедно и, наводно, Бред веќе им ја претставил новата партнерка на децата кои ги има со Џоли.
