Пејачот Дарко Лазиќ се присети на својот покоен татко Милан, кој почина на 13 декември 2020 година како последица на компликации по операција за намалување на желудникот.
Тогашната трагедија го потресе целото семејство Лазиќ, а пејачот често истакнува колку му недостасува неговата најголема поддршка во животот.
Дарко на својот профил на Инстаграм сподели емотивна фотографија од својот татко од една прослава, насмеан, расположен и со песна, токму онака како што неговото семејство засекогаш ќе го памети.
За жал, ова не е единствената голема загуба за српскиот пејач. На 11 март годинава, Лазиќ доживеа уште еден животен удар, кога во сообраќајна несреќа го изгуби и братот Драган. Тој загина управувајќи мотор на 32-годишна возраст, оставајќи зад себе сопруга и две деца.
