Српскиот актер, Милош Биковиќ е во Охрид, а вечерва настапува на затворањето на 63. издание на Охридско лето со претставата „Лага“, работена по делото на Флоријан Зелер.
Биковиќ вчера заедно со своите колеги Миодраг Радоњиќ, Јелисавета Орешанин Теодосиќ и Тамара Крцуновиќ имаа проба во Античкиот театар, а потоа сите заедно беа на вечера во познат охридски ресторан.
Потоа, актерот со катамаран пловеа по Охридското езеро и стасаа и до изворите на Црн Дрим во Струга, каде што ручаа.
Милош Биковиќ, чие семејство потекнува од Берово, неодамна во Скопје го промовираше својот филм „Предизвик“.
