Пејачката Едита Арадиновиќ која е во шестиот месец од бременоста, на социјалните мрежи покажа како ги поминува деновите додека го очекува своето прво дете.
Таа објави фотографии од својот дом и откри дека моментално најмногу време минува со своите миленици. Пејачката купила два мали шатора за кучињата, кои ќе им служат како место за одмор.
„Креветчето за бебето пристигна“, напиша Едита покрај фотографијата од шаторот, а веднаш потоа сподели и слика од кучето со краткиот опис: „Бебе“.
Освен што се грижи за нив дома, пејачката откри дека редовно ги носи и на прошетки и дека ужива во нивното друштво додека ги поминува бременичките денови.
Едита неодамна откри и дека добила критики од таткото на нејзиното идно дете, Ненад, откако на интернет објавила снимка од ултразвукот. Таа признала дека подоцна ја избришала објавата.
„Ненад ми рече: ‘Што е со договорот да не објавуваш?’ Сфатив дека направив грешка и ја избришав“, објасни пејачката.
Таа додаде дека и покрај тоа што повеќе не се во љубовна врска, со Ненад се во одлични односи и дека одлуката да не бидат заедно била заедничка.
