Анастасија Ражнатовиќ, која пред две недели заедно со сопругот Немања Гудељ стана мајка за првпат, на социјалните мрежи сподели емотивна порака посветена на својот животен партнер.
Ќерката на Цеца Ражнатовиќ и српскиот фудбалер деновиве уживаат во семејниот живот во Севилја, каде што неодамна го добија синот Илијан.
На својот профил на „Инстаграм“, Анастасија објави цитат со кој му ја изрази љубовта на сопругот.
„Дали го сакам? Повторно би ја поминала секоја болна етапа од мојот живот кога би знаела дека тој ме чека на крајот“, напиша таа, додавајќи емотикони со срце и иницијалите на сопругот и синот.
Нејзината објава брзо го привлече вниманието на следбениците, кои ја протолкуваа како уште една потврда за блискиот и складен однос меѓу неа и Немања.
Да потсетиме, Анастасија се породи во приватна клиника во Севилја, градот во кој живее со сопругот откако стапија во брак. Таму се наоѓа и нивниот семеен дом, каде што сега уживаат во првите денови од родителството.
