Српската фолк пејачка Александра Пријовиќ денеска го слави 31-от роденден, а по тој повод нејзината мајка Борка Михајловиќ објави интересни видеа од нив двете и ѝ испрати емотивна порака.
Имено, Борка објави порака на Инстаграм што ѝ ја посвети на својата ќерка.
– Среќен роденден, моја единствена ќерко. Ти благодарам за секоја насмевка, прегратка и момент на гордост што ми го даде. Ти посакувам секогаш да бидеш здрава, среќна и сакана, животот да те води на најубавите патишта и никогаш да не заборавиш колку те сака твојата мајка – напишала Борка, а на честитките се придружила и мајката на Филип Живојиновиќ – Зорица Накиќ.
Александра Пријовиќ и Филип Живојиновиќ се во среќен брак осум години. Двајцата изградија семејство, а неодамна го прославија првиот роденден на нивната ќерка Арија. Сепак, малкумина знаат како Филип Живојиновиќ ја освоил Александра.
– Не се сеќавам каде се запознавме, но знам дека судбината нè спои. Пред да почнеме да се забавуваме, со години се среќававме на разни места, во минување. Се гледавме и кај Брена и Боба на приватни забави каде што често пеев, иако сè беше во минување, без официјално запознавање – раскажала Александра во една прилика.
