Постарата наследничка на Јелена Карлеуша, Атина Тошиќ, вчера заврши средно училиште, поради што целото семејство, вклучувајќи го и Душко Тошиќ, се собрало синоќа.
Како што јасно можете да видите на самата диплома, станува збор за Британското меѓународно училиште во Белград, една од најстарите и најпочитуваните образовни институции од ваков тип во регионот.
Ова училиште е познато по своите ригорозни британски стандарди, наставата исклучиво на англиски јазик и дипломатскиот и естрадниот крем кој тука ги школува своите деца. Секако, овој статус има и своја цена, која е многу висока за условите на обичните граѓани.
Во зависност од возраста и нивото на образование, цената на школарина на годишно ниво во оваа престижна институција се движи од 10.000 до над 15.000 евра.
Иако елитниот образовен систем подразбира врвно ниво на настава, јасно е дека за родителите овие школарини претставуваат само почетна ставка кога на основната цена ќе се додадат трошоците за задолжителни оброци, воннаставни активности, превоз и дополнителни материјали.
Бројката што оваа поранешна двојка ја издвојува за луксузното образование на Атина достигнува вртоглави суми, што за просечниот граѓанин претставува вистинска недостижна фантазија!
Во оваа цена често не се пресметани таксите за запишување, униформите, воннаставните активности, како и полагањето меѓународни испити од Кембриџ, што ја зголемува конечната бројка за уште неколку илјади евра, пишува српски „Информер“.
Карлеуша и Тошиќ очигледно не штеделе кога станувало збор за иднината на нивните деца, а Атина им го вратила на најдобар можен начин, со диплома во рацете и блескава насмевка на лицето!
Да потсетими, Атина и Ника неодамна во една емисија открија дека се одлични ученички, но учат во различни училишта.
– Јас одам во српско училиште, а Атина оди во меѓународно – рекла Ника Тошиќ.
Таа признала дека на почетокот не ѝ било лесно.
