Рамбо Амадеус, црногорскиот пејач, кантавтор и сатиричар вчера наполни 63 години.
Познат по неговиот карактеристичен хумор, иронијата и необичните животни ставови, пред неколку години, Рамбо Амадеус ги објави своите 17 правила за среќа, кои на шеговит, но суштински начин откриваат како да се живее попросто, посмирено и посреќно.
Еве ги неговите препораки:
1. Наутро – млака лимонада од пола лимон.
2. Благо истегнување и лесна гимнастика.
3. Само еден информативен извор – без емоционални вишоци.
4. Престанете да ги следите оние што само се жалат, а не нудат решенија.
5. Пешачете – во гените ни е.
6. Разменувајте предмети со пријатели – весело и корисно.
7. Поправајте си сами дома – задоволството е загарантирано.
8. Читајте книги – не се сите досадни.
9. Следете наука – космосот помага при земните тегоби.
10. Дишете длабоко и бавно – секогаш кога ќе се сетите.
11. Насмевка на лице – функционира и научно.
12. Возете нешто што не прави бучава.
13. Јадете помалку месо.
14. Подарете сè она што не ви треба.
15. Сакајте некого или нешто – бесплатно е и убаво.
15А. Одгледувајте растенија – рузмаринот ми е омилен.
16. Еден час дневно во тишина.
17. Дополнете си самите…
„Ако имате и пари – запишете се во школа за едрење. Никогаш не сум сретнал депресивен едриличар“, ќе додаде Рамбо во свој стил.
