Тони Михајловски е долги години во брак со Александра Јорева- Михајловски со која го има синот Максим. Во многу наврати, нашиот познат актер има изјавено дека сопругата му е голема поддршка, и тој нејзина, особено во најтешкиот период, кога таа имаше канцер. Александра минатата година имаше емотивна објава пет години откако излезе победник од тешката битка:
„Само едно знаев сигурно, а тоа е дека морам да сум силна заради себе, а уште повеќе за тоа мало детуле од 8 годинки за кое мислев дека ќе успеам да ја ублажам информацијата што е тоа што се случува со мама, но се излажав нормално – сè му беше јасно“.
Тони сега објави едно многу интересно видео, а во него во свој стил вели:
„Велат луѓето, возењето велосипед помага да се ослободите од стресот. Јас решив да излеам, да се повозам малце да се ослободам од стресот, кога тоа и стресот решил да вози точак со мене. Ете ти, па вие возете пак точаци“, рече Тони во видеото, на што неговата сопруга слатко се изнасмеа.
