Таа со својот автомобил удрила во куќа во Лос Анџелес.
Американската актерка Ен Хеч (53) е хоспитализирана во критична состојба откако со својот син автомобил „Мини Купер“ удрила во куќа во Лос Анџелес. Веста ја пренесуваат американските медиуми Снн и веб-страницата ТМЗ.
Пожарникарите од Лос Анџелес известија дека нејзиниот автомобил излетал од патот и удрил во двокатна куќа во населбата Мар Виста во Лос Анџелес, „предизвикувајќи структурна штета и експлодирајќи во голем пожар“.
Хеч е „однесена во болница во областа во критична состојба“.
На терен се 59 пожарникари, а за локализирање и целосно гаснење на пожарот биле потребни 65 минути, информираат американските медиуми.
Ен Хеч , поранешна партнерка на актерката Елен Деџенерис, е позната по нејзината улога во сапуницата „Another World“,а добитничка е на престижната Еми награда во 1991 година.
Глумеше во бројни филмови од 90-тите, вклучително и „Шест дена, седум ноќи“, „Дони Браско“ и „Знам што направи минатото лето“.
