Емотивно видео објави Васил Хаџиманов, синот на легендарниот Зафир Хаџиманов, заедно со неговата ќерка Марта, а во чест на неговиот покоен татко.
-Верувале или не, се осмелив да го пеам вториот глас на Марта на еден од најголемите хитови на Сенка и Зафир – „Љуби ме и главата горе“.
Благодарност до публиката во Сомбор што нè пречека толку добро и што беше толку љубезна да ги поздрави и моите скромни вокални способности. П.С. ова се случи само затоа што Виктор Тумбас се разболе, па морав да интервенирам“, напиша Васил Хаџиманов.
Инаку, Васил Хаџиманов и неговата ќерка Марта Хаџиманов, која е џез и оперска пејачка учествуваа на концертот во негова чест, што се одржа на 17 декември во 2023 година во Скопје.
Марта Хаџиманов, која студира на Универзитетот за музика и изведувачки уметности во Манхајм (Германија) на два отсека, соло пеење и музичка педагогија, вели дека многу научила од својот дедо и од баба ѝ Сенка Велетанлиќ.
Зафир Хаџиманов почина на 27 март 2021 во Белград, како последица на инфекцијата со вирусот КОВИД-19. Хаџиманов беше пејач, композитор, глумец и поет.
Тој се запишал на фармацевтски факултет во Белград, но го напуштил и се запишал на Вишата педагошка школа во Скопје, отсек музика, по што својот животен век го посветил на фолклористиката. Зад себе, Васил Хаџиманов оставил над 5.000 записи од македонски изворни песни.
