Пејачката Емина Јаховиќ во интервју за „Стори“ изјави дека нема желба да ја запознае Мелис Суцуруп Сандал, сопругата на поранешниот сопруг Мустафа Сандал, и им порача на жените добро да размислат пред да се разведат.
Кога ја прашале зошто никогаш не сакала да ја запознае новата сопруга на нејзиниот поранешен сопруг, таа даде краток одговор.
„Апсолутно немам желба. Да имав, веројатно би се случило“, рекла таа.
Таа, исто така, разговараше за тоа што ѝ донел разводот.
„Ах, комплексно прашање… Жената треба добро да размисли пред да се разведе, да измери три пати и да сече еднаш. Понекогаш разводот е навистина неопходен, а тоа е случај кога сте сигурни дека никогаш повеќе нема да се покаете за таа одлука. Секако, треба добро да размислите, бидејќи тревата е секогаш позелена во туѓиот двор. Ако нешто може да се спаси, треба да се спаси. Треба да работите на вашиот брак, особено ако има деца во врската. Разводот е најлесен на хартија, но сè друго е многу посложено“, рекла таа.
Мустафа Сандал се ожени со Мелис Суцуруп во јуни 2022 година во Рим. Во последните недели, таа беше во центарот на аферата со инвестициските фондови во Турција, започната откако Турската комисија за пазар на капитал (SPK) нареди ликвидација на 131 фонд на седум компании.
Кон крајот на септември, Обвинителството во Истанбул издаде налог за апсење на Мелис Суцуруп Сандал и нејзиниот татко, бизнисменот на берзата Џихан Суцуруп, и им го конфискуваше имотот. И двајцата се во странство.
Мустафа Сандал рече дека неговото поврзување со обвинувањата против неговата сопруга и свекор е неправедно и злонамерно, и дека тој нема никакви заеднички финансиски работи со Мелис, освен бракот.
Емина Јаховиќ и Мустафа Сандал се венчаа во 2008 година, а го објавија разводот во февруари 2018 година. Тие ги имаат синовите Јаман и Јавуз. По разводот, тие се расправаа на суд за алиментација.
