Оваа популарна серија, која пред повеќе од една деценија брзо ги освои симпатиите на публиката низ регионот, ги направи Андрија Милошевиќ и Анѓелка Прпиќ еден од најомилените телевизиски парови. Сепак, малкумина знаеле дека зад сцената постоела строга договорна клаузула што морале да ја почитуваат.
Имено, според информации што неодамна се појавија во јавноста, на двајцата актери им било забрането во наредните десет години да глумат љубовен пар во кој било друг филм или серија. Причината за оваа одлука на продуцентите била да се зачува автентичноста на нивните ликови и да се избегне нивно поврзување со други проекти.
Оваа обврзувачка клаузула истекла дури минатата година, точно десет години по снимањето на серијата.
Потсетуваме, серијата на хумористичен начин ги прикажува секојдневните ситуации и предизвици на еден пар во триесеттите години, а снимени се повеќе од 100 епизоди.
Проектот е адаптација на светски познатиот формат „Un gars, une fille“, додека адаптацијата за домашниот пазар ја потпишува Вук Ршумовиќ, а режијата е на Марко Манојловиќ.
Интересно е што серијата се емитувала во дури пет земји во регионот, а особено голема популарност стекнала во Хрватска.
