Српската водителка Јована Јеремиќ се огласи со емотивна порака за својот покоен татко, поттикната од неодамнешниот преглед кај кардиолог.
„Татко мој, денес се сетив на тебе додека докторот ми го прегледуваше срцето. Ми рече дека вакво нешто нема видено, кај обичен човек параметарот е 40 проценти, а кај мене е 70. Му реков: ’Тоа е на татко ми, само тој имаше толку големо и силно срце‘. Ти благодарам што ми ги остави овие гени“, напиша таа.
Водителката евоцираше спомени и од детството во Црна Гора, присетувајќи се на утрото кога нејзиниот татко одел на риболов.
Оваа емотивна објава доаѓа во период кога Јована соопшти дека привремено се повлекува од ТВ-екраните за да му се посвети на организирањето на сопствената свадба со партнерот Милош. Свадбената церемонија ќе се одржи во интимна атмосфера, во кругот на најблиските.
