Ден по објавата дека потпишала спогодбен развод, се отвори една од најголемите музички ѕвезди на овие простори.
Јелена Карлеуша за телевизија Курир откри како се чувствува по официјалниот крај на нејзината љубовна приказна со Душко Тошиќ.
Забележав дека не само кај нас туку и во светот разводот е еднаков на смрт во семејството, како некој да умрел. Но, кога сме кај мене и Душко, ова е само документација. Емотивно и човечки тоа се случи многу, многу порано.
– Се чувствувам одлично, не како некој да умрел. Во денешно време, жената мора прво да го види мажот на нејзиниот живот во огледало. Ако доволно се сака и почитува, ќе зрачи со таква сила што и нејзиниот партнер ќе ја сака и почитува – смета популарната пејачка.
На прашањето на водителката дали ја прочитала објавата на Душко за разводот, таа одговори дека некој и ја испратил да ја види. Меѓу другото, тој изјави дека сака да остане во добри односи со мајката на неговите деца. Но…
– Добро го познавам Душко, знам како размислува и дише, израсна со мене… Добри односи? Сега е предоцна за такво пишување. Дека никогаш не е доцна, тоа е приказна за мали деца. Понекогаш е многу доцна.
– Многу сум толерантна, можам многу да издржам, но се има граници, дури и кога се во прашање машко-женските односи. Толку траеше поради мене. Секогаш трае поради жена, никогаш поради маж, бидејќи жените се тие што туркаат – објасни таа.
– Зошто добри односи кога се што го сочинува бракот е убиено? Како јавна личност се обидов да ја покажам посветлата страна на мојот живот, бидејќи мојата работа е да раскажувам бајки, а не да ја кажувам вистината. Јас одлучив, јас го избрав, но еднаш кога ќе се пресече, тоа е крај.
