Пејачот Дино Мерлин по долго медиумско отсуство проговори за обвинувањата кои се појавуваат за него и неговите наводни изјави.
Мерлин демантираше се, во таа прилика, за српските медиуми истакна дека судот пресудил во негова корист, а се осврна и на „ривалството“ меѓу него и Чолиќ, кога е во прашање букирањето на Арената.
Инаку, само Здравко Чолиќ успеа да наполни шест белградски арени, а Мерлин сега открива дека не го брка тој рекорд.
„Не размислувам на тој начин. За мене ова не е прашање на уривање рекорди, не е ова атлетика. Меѓутоа, ако некогаш сте играле реми, кога ви оди „картата“, одите на „hand“. А згора на тоа сум Девица, секогаш сакам подобро, повеќе, посилно. Во прашање е мојот темперамент и сопствената потреба како човек и како музичар да ги испитувам сопствените граници. А што се однесува до Здравко Чолиќ, Чола е идол на мојата младост. Имав чест прво да го запознаам, а потоа да станеме и домашни и деловни пријатели“, открива Мерлин и додава.
„Можете да замислите колку го сакам и почитувам што, покрај интензивната работа на својот нов албум, упорно работам и на неговиот и имам убави вести. Наскоро ќе излезе сингл, песна која ја напишав за Чола на која многу се гордеам и која навистина му личи. Тоа ќе биде стариот нов Чола. Сите сме возбудени и едвај чекаме публиката да слушне како тоа звучи“.
Потоа, Мерлин се навраќа на неодамнешниот разговор кој го имам со Чола, на раните 70-ти години кога во тогашна Југославија сите живееле сложно.
„А, гледате сега, 28 години подоцна, од 1995 до сега, колку луѓето се уште се хранат со омраза и упорно гледаат во ретровизорот. Каков пораз. Во каква слепа улица заглавивме? Ете, само една мала паралела за размислување“ – вели Мерлин за српски „Курир“.
Мерлин ја спомнува и петицијата која беше покрената против него за забрана за влез во Србија и вели дека му е драго што е укината.
Инаку, Дино Мерлин до сега распродаде три концерти во Штарк арената во Белград, за 18, 19 и 21 ноември, а во тек е продажбата за четврти концерт за 22 ноември.
