На триесет и пет години, Новак Ѓоковиќ нема намера да застане и продолжува да собира важни успеси во светот на тенисот. Штотуку го освои својот дваесет и први слем, триумфирајќи на Вимблдон, најпрестижниот турнир во спортот. Но, која е тајната на српскиот тенисер?
View this post on Instagram
Тајните на шампионот
Како и Кристијано Роналдо и другите врвни спортисти, Ѓоковиќ никогаш не го криел опсесивното внимание на благосостојбата и здравјето. Особено откако ја откри целијачната болест и мораше да го елиминира глутенот од оброците.
Неколку години подоцна решил да се откаже и од месото, кое претходно го конзумирал три пати на ден. Всушност, Ноле следи растителна исхрана и не јаде млечни производи, рафинирани шеќери и тешко сварлива храна.
Главни протагонисти на неговите оброци? Мешунки, зеленчук, јаткасти плодови и здрави масти. Заморен режим за љубителите на добрата храна но кој како што изјави пред извесно време бил пресуден за бројните победи.
„Со исхраната ги елиминирав токсините и повеќе сум свесен за моето тело на терен – рече тој -. Кога играте три, четири или пет часа последователно, ви треба вистинско гориво, а за мене вистинското гориво е растително“.
Но тешко тоа да се нарече диета. Шампионот, кој едно време беше критикуван за неговата „зелена одлука“ – како и неодамна за неговиот став да не се вакцинира- го дефинираше својот вистински начин на живот „Би сакал да ги инспирирам другите спортисти и да ги натерам да ги разберат придобивките од овој избор“.
View this post on Instagram
Салати и сок од целер
Ѓоковиќ никогаш не се откажува, на почетокот на денот, од чаша топла вода и лимон кои му помагаат на телото да се детоксицира. Потоа следува сок од целер, кој го користат и други познати личности, со смути од алги и спанаќ и со протеински концентрат од грашок.
Салатите, од друга страна, се кралици на неговите ручеци кои вклучуваат и тестенини, без глутен, прелиени со зеленчук и веганско сирење.
Но, Ноле сака и авокадо, индиски ореви, чај од сладунец и мед.
Новозеландскиот мед и магичната напивка
Не кој било мед му е омилен. Она што го консумира е строго мед од Нов Зеланд. Доаѓа од пчели кои се хранат со дрвјата Манука, грмушка полна со енергетски својства. Од медот јаде наутро – две лажици – но и за време на натпревари, каде што голта и вдишува „волшебна напивка“, како што самиот ја дефинираше. Не е познато што има во шишето, но експертите мислат дека тоа е изотоничен прав, кој се користи за брзо надополнување на енергијата при физички напор.
Зелено финале
Кирјос, неговиот противник во финалето на Вимблдон, исто така пред две години изјави дека престанал да јаде месо. Сепак, во основата на неговата одлукат се повеќе етички причини од било што друго.
„Долго време бев загрижен за благосостојбата на животните, особено во мојата земја – изјави Австралијанецот пред две години, познат по својот ексцентричен карактер и по кристалниот, но дисконтинуиран талент –. Сликите што ги видовме во последните месеци со животни кои страдаат од пожари уште повеќе ме погодија и затоа одамна решив да избегнувам месо и млечни производи. Тоа не е нешто што има врска со моето здравје “ – рече своевремено Кирјос.
View this post on Instagram
