Џорџина и Кристијано Роналдо се заедно веќе неколку години. Таа му роди две деца, а се грижи и за другите деца кои фудбалерот ги доби со помош на сурогат мајка. Сепак, се чини дека семејството на фудбалерот смета дека Џорџина не е на нивно ниво, како што смета и пошироката јавност.
Таа самата е најмногу виновна за ова поради непромислените изјави како онаа дека сама се збогатила, иако се знае дека пред врската со фудбалерот работела како продавачка во бутик и дека мали се шансите дека со таа плата можела да ги заработи чантите Хермес што ги поседува денес.во сите бои и големини.
Медиумите пишуваат дека Џорџина добива џепарлак од 100.000 евра од Роналдо – овие пари првенствено се наменети за децата, а таа може да ги искористи и за себе.
Но, секако, од својот сакан редовно си добива и скапоцен накит, патувања од соништата и се што ќе посака. Тој ѝ ја отвори вратата на луксузот, поради што денес заработува богатство благодарение на својот Инстаграм профил, а како што стојат работите, ја обезбедила и својата сестра.
Не е тајна дека Џорџина и нејзината сестра Ивана немале лесно детство. Иако се родени во луксуз, нивниот татко, кој и самиот бил фудбалер, преминал на другата страна на законот и многу брзо завршил зад решетки. Џорџина и нејзината сестра пораснале со роднини (кои брзо ги заборавија кога се „венчаа“ за богаташи), особено откако нивната мајка загина во сообраќајна несреќа.
Се имаат само една со друга, а како што самите изјавија, многу се блиски. По години и години различни вработувања, Џорџина се заљубила во Роналдо, а првото нешто што го направила е со себе да ја земе својата постара сестра Ивана. Прво, Ивана ѝ беше асистентка на Џорџина, работеа заедно на проекти и ѝ помагаше со Инстаграм, а како што кажа една нејзина блиска пријателка, единствената цел на Џорџина била добро да ја „вдоми“ својата сестра.
„Џорџина едноставно ги сака парите, а единственото нешто за што се грижи е нејзината сестра. Сега, кога и нејзината сестра најде богато момче, може да здивне, бидејќи не сака со никого да споделува пари“, изјави своевремено изворот, додавајќи дека за богато да ја „вдоми“ најголем проблем бил изгледот на Ивана.
„Ивана е убава девојка, но не внимаваше на килограмите“, додава изб=ворот. И навистина, сестрата на Џорџина Родригез со години се бореше со килограмите, за што зборуваше и на својот профил, каде денес ја следат повеќе од 650.000 следбеници.
Таа секојдневно споделува совети за исхрана и тренинзи и изгледа многу подиректна и поопуштена од нејзината сестра, која често ја опишуваат како вообразена.
Имено, Џорџина ги вмешала прстите и во љубовниот живот на нејзината сестра. Таа успеа да ја поврзе Ивана со пријателот на Роналдо, сликарот и скулптор Карлос Гарсија, а парот е заедно од 2018 година. Го добија и првото дете – ќерката Дева. Интересно, ниту Карлос, ниту Роналдо не сакаат да се венчаат. Барем се уште не.
„Мислеа дека ќе се венчаат откако ќе добијат деца… едноставно, мора да разберете… бракот е сигурност… хартија, прстен, заеднички имот… Во тој случај за децата веќе не се само 100.000 долари, а и за неа и формално ќе има и повеќе… Во случај на развод, се е поделено, а и двете ќе профитираат бидејќи ниту Карлос не е сиромашен“, објасни тогаш изворот за The Sun.
„Залудни им се и убавината и парите кога ниту еден од нив се уште не се омажи, а тоа е она што најмногу го сакаат“, рекол изворот на крајот.
И самата Џорџина во својот документарец призна дека едвај чека да се омажи. Се зборува дека сестрата и мајката на Роналдо, кои партнерката на фудбалерот ја сметаат за спонзоруша, не сакаат да ја видат Џорџина во венчаница, а дали венчавката ќе се одржи останува да видиме.
