Актерот Никола Којо го загуби својот брат Владимир Којо, кој почина во несреќен случај на хиподром, пренесуваат српските медиуми.
Имено, коњот го соборил јавачот, а Владимир притрчал да му помогне и да го запре животното, кое потоа го удрило и му нанело сериозни повреди.
Се се случи во петокот на 23 јуни. Брзата помош веднаш го пренела во ВМА во Белград, каде лекарите цела ноќ се бореле за неговиот живот.
-Владимир беше примен во ВМА во тешка состојба пред две недели во доцните вечерни часови. Лекарите цела ноќ се бореа за неговиот живот, по две недели борба им подлегна на тешките повреди и ја загуби битката за живот – открива извор од VMA.
