Деспина Кузманова е од Скопје, сопственичка е на салон за убавина, но тоа не е ништо невообичаено. Она што е интересно кај неа е миленикот кој што го обожава најмногу на светот. Пинки е зајче, а на Деспина ѝ е неразделен придружник во текот на целиот работен ден.
Маче или куче се најчестите миленици, но ти имаш поинакво животно. Зошто зајче?
– Едноставно се заљубив, тргнав по храна за папагал ама не ја купив храната го здогледав и го купив него, не можете да му оделеете.
На колкава возраст го зема, колкав е Пинки сега?
– Пинки имаше неколку месеци, ми се чини два, сега има 2 години.
Како дојде до идеја да го крстиш Пинки?
– Го чувам во салонот каде што работам, сѐ е розево и сакав да му одговаара и името,а имаа и розеви очиња.
Што е потребно за да се чува зајак дома?
– Потребно е кафез и мала соба да може да си трчка. И многу љубов секако.
Со што се храни Пинки?
– Пинки се храни со сено, јаболка, банана и моркови,а омилени му се смоките.
Кога се слушнавме Пинки грицкаше телефон на твоја другарка, дали се чести таквите „инциденти”? Откриј ни неколку интересни случувања…
– Да да, ха ха, покрај тоа што слатко изгледа тој е гооолем белјаџија, ама сладок, не можеш да му се налутиш иако веќе радиото нема да ти работи, последно и најинтересно ми го изеде половина тефтер за термини, па морав од ново да закажувам!
Какви миленици се зајчињата, дали можат да се дресираат?
– Мили, нежни и питоми, сè зависи од тоа колку вие имате време и трпение исто како со човекот, искрено секое животно сака внимание и троение, Пинки знае каде да јаде точно и каде да врши нужда, а каде да спие.
Што е со хигиената? Како треба да се бања Пинки?
– Зајчињата може да се бањаат, но во домашни услови и не мора, сами се чистат како мачињата
Што обожава, а што не сака Пинки?
-Обожава смоки и сè што е солено, не сака да го фаќаат за нозе.
Доколку повторно треба да бираш миленик, дали би одбрала зајче повторно?
– Да, без сомнение, дури размислувам за другарче на Пинки.
Што треба да знае секој кој ќе сака да чува зајче дома?
-Да бидат сите со трпение, тој е глодар и е поразличен од мачките и кучињата,не сака гласни звуци и нагли движења, но на крај едноставно да не се мислат, како миленик зајакот е прекрасен!
