По трогателните проштални пораки од Мет Лебланк и Кортни Кокс, Дејвид Швимер и Џенифер Анистон проговорија за смртта на нивниот колега од „Пријатели“ Метју Пери.
Швимер му се заблагодари на Пери „за десетте неверојатни години смеа и креативност“.
„Никогаш нема да ја заборавам твојата беспрекорна духовитост… И имаше срце. Беше дарежлив и споделуваше сè со нас, за да бидеме семејство од шест странци. Оваа фотографија е од еден од моите омилени моменти со тебе. Ме тера да се насмејам и на тага во исто време. Те замислувам таму горе, некаде, во истиот бел костум, со рацете во џебовите, како гледаш наоколу…“ рече Швимер.
Џенифер Анистон истакна дека Пери отсекогаш била дел од семејството.
„Да се збогуваме со нашиот Мети е бран од емоции што никогаш претходно не сум ги доживеала… Многу го сакавме. Тој беше дел од нашата ДНК. Секогаш бевме шестмина. Ова беше избрано семејство кое засекогаш го смени курсот на тоа кои бевме и каков ќе биде нашиот пат… Мети, те сакам многу и знам дека сега си целосно мирен и без никаква болка. Разговарам со тебе секој ден… Почивај мало братче. Секогаш ми го разубавуваше денот“, се вели меѓу другото во пораката на Џенифер Анистон.
View this post on Instagram
