Познатиот фолк-пејач Дарко Лазиќ, кој претходно направи драстична трансформација во изгледот и ослабе речиси 90 килограми, покажа дека естетските и козметичките третмани воопшто не му се страни.
Иако пејачот е познат по тоа што има страв од игли, неговата сопруга Катарина Лазиќ на својот профил на Инстаграм сподели фотографија од ординација, на која се гледа како лекарот му ги пополнува ситните брчки на лицето.
„Инаку Дарко се плаши од игла, но секако дека докторот и јас го натеравме повторно да направи ботокс“, напиша Катарина во описот на објавата.
Каќа неодамна отворено зборуваше и за физичката активност на нејзиниот сопруг, откривајќи дека Дарко често знае да оди од крајност во крајност кога се во прашање тренинзите, вежба неколку дена по ред до воспаление на мускулите, па потоа целосно прави пауза. Сепак, поддршката од сопругата не изостанува ниту во теретана, ниту во козметичките ординации.
