Водителката Сања Маринковиќ ја отвори душата и зборуваше за еден од најтешките периоди низ кои поминала, присетувајќи се на борбата на нејзината мајка со тешката болест и на моментот кога дознала дека таа починала. Познатата водителка истакна дека, и покрај големата болка, се обидувала да ги задржи насмевката и професионалноста, додека јавноста воопшто не насетувала низ што поминува.
– Така сум научена и од мојата мајка, сè да покријам со насмевка. Јавноста не знаеше за мојата болка, секој пат кога ќе паднам, само ја поправам круната и продолжувам. Ѝ кажав на мојата екипа да има разбирање за мене и им благодарам за тоа. Мојата концентрација беше лоша, секој миг очекував најстрашни вести, кои на крајот и ме дочекаа – изјави Сања за „Блиц“, па продолжи:
Водителката откри дека дијагнозата на нејзината мајка пристигнала целосно неочекувано и дека сè започнало со наизглед безопасни симптоми.
– Со таа страшна дијагноза се соочив во јули, кога бев на море. Тоа е подмолна болест. Мајка ми само ја заболе кичмата и мислеше дека носела некои тешки влечки, па дека ја извртела ногата.
Сања потоа го опиша моментот кој ѝ останал врежан во сеќавањето и кој никогаш нема да го заборави.
– Испраќавме физиотерапевт, таа одеше на масажи. А потоа отиде да ја сними кичмата. Никогаш нема да заборавам, јас сум на лежалка и ми пристигнува медицинскиот извештај каде што, наместо повреда на кичмата, пишува метастаза. И јас се јавувам и велам дека можеби згрешиле, дека тоа не се однесува на мајка ми. И тука започнува нашата голема „игра“. Мајка ми е многу модерна жена и извештајот ѝ пристигна на мејл, таа не знаеше дека ми пристигнал и мене, па им кажа на сите да не ми кажуваат на мене, сакаше да ме заштити.
Најпотресниот дел од нејзината исповед се однесува на телефонскиот повик кој засекогаш го промени нејзиниот живот.
– Снимав реклама и ме побара докторот, ме праша кога завршувам и ми рече да му се јавам кога ќе бидам готова. Издивнав, прашав дали е мајка ми жива, а тој ми рече дека починала пред девет минути.
