Судот во Калифорнија осуди на четири години затвор еден од тројцата обвинети за вооружениот грабеж на шетачот на кучиња на пејачката Лејди Гага во кој беа украдени два француски булдога.
Џејлин Кejшаун Вајт призна дека е дел од бандата што го застрела Рајан Фишер додека ги шеташе своите три булдози во Холивуд во февруари 2021 година. На судското сослушување во Лос Анџелес во средата, Вајт, кој сега има 20 години, се изјасни за виновен за грабеж од втор степен и доби четиригодишна затворска казна.
View this post on Instagram
На снимката од надзорните камери од местото на нападот се гледа како автомобил застанува во близина на Фишер и две лица излегуваат од него. На видеото се слуша истрел, по што шетачот со кучиња врескајќи паѓа на земја. Напаѓачите ги грабнале булдозите Који и Густав, а Фишер повикал помош. Третото куче, Мис Азија, истрчало кај Фишер откако крадците заминале. Кучињата биле мета поради вредноста на расата на црниот пазар.
View this post on Instagram
Фишер при нападот се здобил со повреди на градниот кош, а еден месец подоцна на Инстаграм напишал дека доживеал колабирање на белите дробови.
View this post on Instagram
