За време на сезоната на вируси, често консумираме чаеви, а многумина не знаат дека некои чаеви можат да бидат и опасин по живот.
Претпоставката на повеќето луѓе е дека чаевите се здрави и можат само да ни помогнат во борбата против настинки и вируси. Но, многу е важно да се знае правилно да се консумираат истите. Една билка со која треба особено да бидеме внимателни е жалфијата.
Обичната жалфија или лат. Salvia officinalis ја содржи озлогласената хемикалија тујон, која, меѓу другото, се наоѓа и во абсинтот. Токсичноста на тијонот е опширно проучувана. Невротоксичноста е главен токсичен исход во акутните и хроничните студии.
Тујонот може да биде отровен. Оваа хемикалија може да предизвика напади и оштетување на црниот дроб и нервниот систем.
Како да се консумира чај од жалфија?
Најдобро би било чајот од жалфија да го користите исклучиво за плакнење на устата. Исто така, постојат тврдења дека токсичноста на тујонот може да се избегне ако жалфијата се готви повеќе од 15 минути. Меѓутоа, во овој случај, чајот ќе биде исклучително горчлив.
Жалфијата дефинитивно не треба да се вади од употреба. Здрава е за забите и усната шуплина. Ако наберете свежи листови жалфија и ги триете околу забите, непцата ќе ги направите поздрави и поцврсти. Се препорачуваат и производи за коса на база на жалфија, бидејќи смируваат и даваат сјај.
