Јавната војна меѓу холивудските поранешни партнери Анџелина Џоли и Бред Пит продолжува. Овој пат камен на сопнување е Шато Миравал. Шато Миравал е лозје во регионот Прованса, јужна Франција, кое било во заедничка сопственост на парот и оттогаш остана во фокусот на нивната конфронтација.
„Од Џоли се бараше да не го продава својот удел во семејниот приватен дом и бизнисот со вино без согласност (на Бред). Сепак, таа го направи тоа тајно, преку наводната продажба на Тенуте дел Мондо, ентитет контролиран од рускиот олигарх Јури Шетлер“ – вели инсајдер за американските медиуми.
За возврат, Џоли одговори дека „постапките на Бред се несериозни, злонамерни и проблематичен модел на реакција“.
„Тврдењата на Пит дека тој и г-ѓа Џоли имале таен, непишан, премолчен договор да се согласат за продажба на нивниот имот се во директна спротивност со пишаните документи“, се вели во тужбата поднесена од поранешната инвестициска фирма на Џоли „Нувел“.
Пит исто така беше обвинет дека потрошил милиони долари на неуспешни проекти во лозјето, вклучително и изградба на студио за снимање и реновирање на базен.
Адвокатите на Џоли го критикуваа актерот што се нарекува себеси винар, наместо тоа изјавија дека „тргува со илузии, а не со кал и грозје“.
Конечно се огласи Пит, велејќи дека Џоли „се обидува се да земе под своја контрола, ама во тоа нема да успее“.
