Веста за смртта на легендарниот пејач Халид Бешлиќ ја потресе регионалната музичка сцена. Пејачот почина во Клиничкиот центар на Универзитетот во Сараево.
Легендата на фолк музиката Халид Бешлиќ почина по борба со тешка болест на 72-годишна возраст.
Покрај хитовите на сите времиња, Халид остави зад себе и импресивен имот, кој се проценува на дури 13 милиони евра.
Имено, пејачот поседувал неколку станови, голем имот во близина на Сараево, а бил и сопственик на хотел, бензинска пумпа и мотел, кои успешно ги издавал под кирија. Имал и свој бренд кафе, дистрибуција на енергетски пијалаци, па дури и свој парфем, кој го нарекол „Миљачка“.
Се обидел и во градежништвото, па изградил станбена зграда во елитен дел од Сараево. Купил и два стана во Сараево, за себе и за својот син Дино.
Роден е на 20 ноември 1953 година во селото Кнежина, во близина на Сокоч, во тогашна Југославија. Израснал во скромно, но хармонично семејство со четири помлади сестри. Во текот на осумдесеттите години, Халид Бешлиќ станал едно од најпознатите имиња во фолк музиката во цела поранешна Југославија.
Тој имал и недвижност во Хрватска. Имено, омиленото засолниште на Халид бил полуостровот Пељешац, поточно малото гратче Драче, каде што изградил вила во која уживал со своето семејство.
Популарниот пејач ги оставил зад себе сопругата и единствениот син.
Се вели дека неговото богатство се проценува на околу 13 милиони евра, а ќе им припадне на неговата вдовица Сејда и неговиот единствен син Дино.
