Сузана Турунџиева рече дека нејзиниот поранешен сопруг Александар Маленко со нивната ќерка Лора имал ограничен контакт. Во гостувањето во емисијата „Нешто конкретно“ со Снеже Велков, познатата водителка и пејачка ја отвори душата.
– Имаше ограничен контакт, многу малку време поминато заедно. На почетокот додека беше мала и додека ги разбере нештата како стојат ѝ велев дека татко ѝ нема време, дека е зафатен, дека е на пат.
Со тоа се обидов и него да го заштитам, да му дадам можност да се најде себеси што прави и колку треба да промени во врска со неговата прва ќерка. Меѓутоа, не се променија многу нештата.
Тој одвреме-навреме како приклучок-исклучок, ќе се приклучи, ќе се исклучи од нејзиниот живот. Веројатно толку можел да даде -рече Сузана Турунџиева.
Нејзината ќерка Лора е веќе возрасна и мајка на Јаков кој има шест и пол години.
Помалата ќерка на Турунџиева, Матеа, на Божиќ следната година ќе наполни 17 години. Нејзиниот татко, сопругот на Сузана, Марјан Јовановиќ ненадејно почина пред девет години.
