Пејачката Беби Дол влегува во реалното шоу „Елита 10“ по подолг период во кој ретко се појавуваше во јавноста.
Пред влегувањето во реалното шоу, таа откри дека од учесниците досега го познава само Филип Ѓукиќ, но и дека нема намера да дозволи некој да ја испровоцира или да ја омаловажи нејзината досегашна работа.
Беби Дол откри дека немала можност да се запознае со останатите учесници, но дека со Филип Ѓукиќ се познава од порано преку заеднички пријатели.
„Немав задоволство да ги запознаам станарите, од порано го знам само Филип Ѓукиќ. Ми беше супер, имаме заеднички пријатели“, изјавила пејачката.
Пред влегувањето во реалното шоу, Беби Дол зборувала и за договорот што го потпишала. Таа нагласила дека немала посебни барања и дека не смета оти поради својата кариера треба да има поинаков третман.
„Не барав посебни услови за „Елита 10“, за мене целиот живот е посебен, не ми требаат посебни услови. Немам однос кон себе како кон ѕвезда. Луѓето ги знаат моите песни и јас сум благодарна за тоа.
Претходно не бев во можност да влезам во реално шоу, имав обврски околу родителите. Немам браќа и сестри, јас сум женско дете и си ветив дека некои работи јас ќе ги завршам“, објаснила пејачката.
Беби Дол пред влегувањето испратила и јасна порака до идните цимери. Таа нагласи дека нема да дозволи некој да ја испровоцира, но ниту да ја дискредитира нејзината долгогодишна работа.
Пејачката истакнала дека не сака да се служи со ниски удари и дека не планира да влегува во непотребни конфликти.
„Никој нема да може да ја дискредитира мојата работа. Не сакам да удирам ниско. Кога луѓето не се добро, со мене ќе биде сè во ред“, порачала Беби Дол.
По долгото отсуство од телевизиските формати, таа сега повторно ќе биде пред камерите, но овојпат како дел од една од најгледаните реални програми.
