Руските медиуми пренесуваат нови сознанија за несреќната смрт на Дарја Дугина, новинарка и ќерка на филозофот Александар Дугин познат како „мозокот на Путин“.
Новите информации велат дека експлозивната направа поставена во автомобилот на новинарката Дарја Дугина можела да биде активирана со повик од мобилен уред. Ова беше објавено на профилот на Маш (Mash) на Телеграм.
Според овие информации, напаѓачите ја следеле Дугина до местото на трагедијата, користејќи безлични телефони, а повик од еден од нив би можел да активира експлозив.
Забележано е дека веднаш по експлозијата телефоните исчезнале од мрежата.
Да потсетиме дека автомобилот во кој патувала новинарката експлодираше ноќта на 21 август. Се прецизираше дека во експлозивната направа поставена во автомобилот имало околу 400 грама ТНТ. За несреќата е отворена кривична пријава, се претпоставува дека убиството е нарачано.
