Андреана Чекиќ, кума на пејачот Дарко Лазиќ, во детали раскажа што се случувало кобната ноќ кога нејзиниот пријател заедно со сопругата Катарина доживеале сообраќајна незгода.
Пејачката била првата која пристигнала на местото на несреќата, по која Лазиќ бил пренесен на лекарска интервенција за зашивање.
„Бевме на промоција кај неговата свастика Тијана. Кога заврши настанот, Дарко и Каќа први тргнаа кон дома. По само неколку минути, Каќа му се јави на мојот менаџер Новак и му кажа дека имале сообраќајка. Веднаш влеговме во автомобилот и отидовме таму. Единствено што гледав беше да го видам и да се уверам дека е жив. Кога сфатив дека и двајцата се живи, ми падна огромен товар од срце. Таа веќе беше излезена од автомобилот, а кога видов дека и тој е при свест, ми беше многу полесно. И денес сум под стрес поради сè, но најважно е што останаа живи“, изјави Андреана.
Таа додаде и детали од понатамошниот тек на настаните:
„Прво Катарина ја однесоа во болницата во Земун, а на Дарко му ставија вратна крагна. Седнав до него бидејќи не знаев во каква состојба е, па се обидував да го задржам буден и да го расположам. Потоа дојдоа пожарникарите да ги сечат вратите, бидејќи беа целосно искривени. Во еден момент дури и се пошегувавме – тој праша зошто не ги отворат вратите, а јас му реков: ‘Куме, малку си ги искривил’. Во тој момент не беше свесен колкава штета имаше. Потоа излезе од автомобилот, влезе во возилото на Итната помош, а Новак и јас тргнавме по него. Го однесоа на ВМА каде што го зашиваа. Подоцна отидовме да јадеме бидејќи рече дека е гладен, а потоа си заминавме дома.“
