Александра Шијакоска, една од нашите најпознати модни инфлуенсерки, пред 8 дена имаше операција на тумор на мозокот, а вчера ги израдува своите следбеници со прекрасна вест од болницата.
„Здраво на сите пријатели. Само да ве известам дека операцијата помина во најдобар ред, закрепнувам полека, чекам уште некои резултати и испитувања. Не грижете се, најлошото е позади мене. Благодарност до сите кои помогнаа и се понудија да помогнат, никогаш нема да заборавам, ни јас, ни Господ“, напиша Александра на Инстаграм.
„Тука сум осум дена, првите неколку не личев на себе. Лицето ми беше искривено, говорот сменет, беспомошна бев. Чекав малку да се опоравам за да ве известам. Дефинитивно, најтешката животна лекција која не му ја посакувам на никој, да си свесен дека утре може нема да го дочекаш денот. Јас сум убедена дека сѐ се случува со причина. Мене животот ми даде уште една шанса да живеам и да се разбудам со сѐ функционално по операцијата. Ќе ја оправдам таа шанса. Не го земајте животот здраво за готово, во еден момент може да ви се смени цел тек на настаните“, објави Александра во сторито на Инстаграм.
