Пејачката Александра Пријовиќ ќе биде главна ѕвезда на новогодишните прослави оваа година, а за два настапи во ист ден ќе инкасира неверојатни 150.000 евра.
Александра повторно се најде во центарот на вниманието кога беше објавено дека билетот за нејзиниот еднодневен концерт во Загреб чини вртоглави 700 евра, што предизвика лавина од коментари на социјалните мрежи, како и пад на системот на страницата.
Додека некои истакнуваат дека цената е превисока, многу обожаватели веруваат дека Александра вреди секој денар, со оглед на нејзините вокални способности и репертоар што гарантираат одлично поминување на времето.
Како што дознава Информер.рс од еден познат менаџер за забава, толку високиот хонорар не е случаен.
– Александра годинава ги поместува границите, нема ништо лошо во тоа. Ќе настапува преку ден во Загреб, а вечерта ќе пее во престижниот центар „Сава“ во Белград. За двата концерта заедно, таа ќе собере дури 150.000 евра, што е апсолутен рекорд за една пејачка во Србија – вели изворот и додава:
– Таа е вистински хит меѓу публиката, како и кај организаторите. Сите сакаат да ја ангажираат бидејќи е гаранција за полна сала и феноменално поминување на времето. Александра и нејзиниот тим, на чело со Филип Живојиновиќ, се педантни во однос на својот углед и вредност, и не се срамат да бараат хонорари што одговараат на нејзиниот статус.
– Александра моментално е број еден на Балканот и без дилема ги испрати Брена и Цеца во пензија. Што се однесува до заработката, популарноста и побарувачката, таа ги помина сите по ред. Иако и двете сè уште се обидуваат, јасно е дека станува збор за стара слава – заклучува изворот на Информер.
