Македонската поп-пејачка Александра Јанева влезе во најубавото животно поглавје, се оствари во улогата на мајка. Радосната вест ја споделија преку емотивни објави на социјалните мрежи, откривајќи дека во нивното семејство пристигна девојче.
Александра и нејзиниот сопруг Иван Ангелов за својата наследничка избраа нежно и едноставно име – Тина. На една од честитките објавени по раѓањето стоеше пораката: „Добредојде најмило бебе Тина“, украсена со розови детали и потпишана од мама Александра и тато Иван.
За пејачката ова е уште еден прекрасен момент по низата убави случувања во приватниот живот. По романтичното запросување во Париз и свадбената веселба во Струмица, парот сега доби уште една причина за неизмерна среќа.
Јанева неодамна бременоста ја нарече своја „најнежна трансформација“, а со доаѓањето на малата Тина започнува едно сосема ново и посебно животно поглавје.
