Вечерва на егзибицискиот Лејвер куп во Лондон Роџер Федерер ќе го одигра својот последен натперавар во кариерата.
Федерер ќе се прости од големата сцена во дубл меч во тандем со Рафаел Надал. Двајцата долгогодишни ривали ќе бидат фафорити против Џек Скок и Френсис Тиафо.
– Не сакав целиот турнир да биде посветен на мене, ниту, пак, премногу да се појавувам. Затоа го прашав тренерот Бјорн Борг дали може да настапам само во двојки во петок вечер. Да го одиграм последниот натпревар заедно со Рафа за мене апсолутно е остварување на сонот, изјави Федерер, легендарниот швајцарски тенисер кој во кариерата освои 103 трофеи, од кои 20 грен-слем титули.
– Ајде да го размрдаме ова место утре, напиша Федерер на Фејсбук пред натпреварот.
Дуелот започнува во 21.30 часот.
