Оскаровката Џенифер Лоренс призна дека снимањето на „Патници“, научно-фантастичниот филм со Крис Прат, не било добра идеја и требало да го послуша советот на Адел.
Џенифер Лоренс откри дека би можела да ја избегне грешката за научно-фантастичниот филм „Патници“ доколку го следела советот на Адел.
Оскаровката, интервјуирана од Њујорк Тајмс, имаше можност да зборува за филмот што беше масакриран од критичарите, не добивајќи повеќе од 30% од позитивните критики на веб-страницата Rotten Tomatoes.
Зборувајќи за тоа како проектите понекогаш се прават од погрешни причини, Џенифер Лоренс рече: „Мислев „О не, ти си тука затоа што јас сум тука, а јас сум вклучена затоа што си ти. Чекај, кој одлучи дека ќе биде така. Дали беше добар филмот?“
Актерката исто така призна дека има некој кој ја предупредил за потенцијалните ризици пред да пристигне на снимањето на „Патници“:
„Адел ми рече да не го снимам тој филм! Таа ми рече: „Мислам дека филмовите за вселената се новите вампирски филмови. Требаше да ја послушам“.
Во интервју објавено пред една година, Џенифер зборуваше за периодот во кој за глумата собрала повеќе негативни критики отколку успеси. Таа признава:
„Не го давав најдоброто што можев да го дадам. Мислев дека на сите им здодеав. Уморна сум од себе. Дојдов до точка каде што никогаш не направив ништо како што треба“.
Филмот „Патници“ пак беше капак на ова нејзино искрено мислење.
