Аца Лукас веќе неколку дена имал висока температура, поради што морал да откаже три концерти. Пејачот примал терапија и бил на инфузија, но неговата состојба не се променила, па бил принуден на овој потег.
Тој ги информираше своите фанови за одложувањето на концертите во трите града и вели дека ќе ги одржи штом ќе се укаже прилика.
– Драги мои, бидејќи се разболев и имам висока температура, ќе бидам принуден да ги откажам настапите за прв пат во последните две години. Се надевам дека многу брзо ќе закрепнам за да го продолжиме нашето дружење. Сите оние кои купиле билети за концертите ќе бидат известени за новите термини. Ви благодарам за разбирањето, напиша Лукас на својот Инстаграм профил.
