Македонскиот пејач Бојан Илиевски, победник на последната сезона на регионалното музичко шоу „Ѕвездите на Гранд“, сподели емотивна објава посветена на својата почината мајка.
На денот кога таа требало да го прослави својот роденден, Илиевски го посетил нејзиното вечно почивалиште, а потоа на „Инстаграм“ објави фотографија од детството и нивна заедничка фотографија.
Во пораката тој ѝ се обрати на својата мајка и напиша дека овојпат отишол кај неа со убави вести за успесите што ги постигнал во изминатиот период.
„Мајко моја! Иако не си повеќе помеѓу нас, јас пак ти дојдов денеска кај тебе, кај твојот вечен дом да ти го честитам роденденот душо моја!
Но овој пат дојдов и со преубави вести! Овој пат ти ѓи споделив сите победи мои во животот во изминатиот период…
Знам дека ме пратиш секаде и покрај тоа што не си физички меѓу нас и знам дека се гордееш со мене!
И тоа засекогаш така ќе биде! СРЕЌЕН ТИ РОДЕНДЕН ДУШО МОЈА, СПИЈ СИ МИРНО!!!“, напиша Илиевски.
View this post on Instagram
Зад младиот пејач е значаен период во неговата музичка кариера. Годинава тој победи во „Ѕвездите на Гранд“, по што неговото име стана препознатливо и кај пошироката регионална публика.
Илиевски во текот на натпреварувањето отворено зборуваше и за тешките моменти од приватниот живот. На млада возраст ги загубил двајцата родители, кои се соочувале со сериозни здравствени проблеми.
По нивната смрт, голема поддршка во неговиот живот станала баба му по мајка, која беше покрај него и за време на учеството во „Ѕвездите на Гранд“.
„Јас сум му баба по мајка. Тој нема ниту татко ниту мајка, јас сум му единствената поддршка. Му починаа и таткото и мајката“, изјави таа за време на натпреварувањето.
