Некогаш не постоеше семејство кое при прикажувањето на „Жикина династија“ на ТВ екраните не се смееше на цел глас. Српската комедија која радуваше многу семејства и ги полнеше киносалите и денес е дел од семејниот репертоар на многумина кои со задоволство се присетуваат на лудориите на двајцата дедовци и нивните „луди“ совети кои му ги даваа на внукот.
Сега е одобрено снимање на продолжение на култната франшиза „Луда година“ за кое се смета дека исто така ќе има одличен успех:
„Иако поминаа речиси 30 години од претходниот филм од франшизата, благодарение на честите повторувања на ТВ, како и достапноста на Интернет, таа е позната на денешната публика, дури и на младите, па затоа може да се очекува овој филм да предизвика голем интерес“ – се наведува во соопштението.
„Луда година“ е продолжение, но и рестартирање на „Жикина династија“. Во центарот на приказната сега е внукот на Жика, Миша, кој, исто како и во оригиналната серија, ќе го игра Никола Којо. Наместо легендите Драгомир Бојаниќ-Гидра и Марко Торововиќ кои за жал се починати, во главната улога ќе се појави нивниот внук Миша кој ќе го игра Никола Којо кој играше и во претходната постава.
Тој сега е татко на две момчиња, од кои едното е тинејџер, на прагот на лудите години, а на нас ни останува да видиме дали тој ќе ги примени „лудите“ совети од неговите дедовци.
