Синот на Лиса Мари Присли, Бенџамин Кио пронајден е мртов, пишуваат странските медиуми. Музичарот, инаку внук на легендарниот Елвис Присли почина во неделата во Калабасас, Калифорнија, потврдил менаџерот на неговата мајка. Тој наскоро ќе наполнеше 28 години.
Сајтот TMZ пренесува дека локалните власти на Лос Анџелес не ги соопштиле деталите за неговата смрт, додека некои локални медиуми спомнуваат дека станува збор за самоубиство. Медиумите пренесуваат неофицијални наоди од истрагата, според кои Бенџамин е пронајден на место во близина на Лос Анџелес со прострелна рана која наводно сам си ја нанел.
Кио скоро никогаш не се појавувал во јавноста. Неколку негови фотографии биле објавени во медиумите, на кои е очигледно дека личи на неговиот легендарен дедо.
Британскиот таблоид DailyMail, порано пренел дека Кио во 2009 година добил понуда од 5 милиони долари да сними 5 албуми, но внукот на славниот Присли не го направил тоа.
Инаку, Лиса Мари Присли има уште три ќерки.
Кралот на рокенролот исто така почина прерано, на 42-годишна возраст. Присли за време на неговиот живот стана легенда. За 20 години кариера продал 150 милиони плочи и глумел во дури 30 филма.
Слушнете ја песната која Мари му ја посветила на Бенџамин:
