Српската пејачка Весна Змијанац вечерва (5 јули) требаше да одржи концерт во градот Бачка Паланка, но денеска беше објавено дека настапот е откажан поради здравствени проблеми на музичката ѕвезда.
Сега пејачката се огласи и откри како се чувствува.
„Не сум во болница, но би можела да бидам. Настапот е откажан бидејќи ми е висок притисокот. Сега се е океј. Всушност, ништо не е океј, но… Морам да мирувам. Вообичаено не работам во јули и август, но ете. Морам да одморам, не можам да функционирам на вакво топло време, не ми е добро. Веќе ништо не е исто по онаа операција“, изјави Змијанац за „Информер“.
Легендарната пејачка на народна музика неодамна имаше операција, кога ѝ беа вградени три бајпаси и стент. Змијанац признава дека животот многу ѝ се променил по тој зафат, но дека не може да мирува.
„Операцијата беше озбилна, но тоа не значи дека треба да си ги сменам навиките. Напротив, јас сум немирна и не умеам поинаку. Сега сум добро, односно одлично“, изјави таа неодамна.
