Кога актерката Весна Бејби Петрушевска ја доби високата сметка за струја за месец јануари реши да им се обрати на ЕВН со видеопорака која тогаш ја објави на социјалните мрежи.
„Слушам се жалите поради сметките за струја. Да ви кажам, мене едната ми е 14 000 денари, а другата – 18 000 денари. Знаете кога другпат ќе им ги вадам сметките од вода? Кога јас ќе се фрлам во Вардар, па нека ме вадат ЕВН оттаму. Навистина се ненормални“, рече Весна во видеото.
Но, актерката е намерена да ја истера правдата до крај и денеска сама протестираше пред зградата на ЕВН.
„Еве, јас дојдов да протестирам сама пред ЕВН. Блиску е Вардар, а вие каде сте? Уште сум сама, а ладно е. Вардар – ладен, фин. И така“, вели Весна во видеото коешто го објави на социјалната мрежа Инстаграм.
View this post on Instagram
Да се потсетиме, пред неколку години автомобилот на Весна падна во Вардар, па, шегувајќи се на своја сметка, таа стана дел од рекламната кампања на ЕВН.
