Совршен спој на талент и нова енергија изразени преку најновиот проект на пејачката Кристина Поп и тиктокерот Душан Пауновски е она што ќе го забележите уште при првото слушање на нумерата со наслов „Беби“.
Кристина зад себе веќе има една песна под наслов „Никад доста“, а покрај талентот за музика и препознатливиот вокал, на јавноста и е позната и по своите многубројни успеси на изборите за убавина ширум светот.
Најпознатиот македонски тиктокер Душан Пауновски, познат кај помладите како „whoisdushan“ исто така веќе има една песна насловена како „Нема дилема“.
„Целиот процес на снимање на песната и спотот беше забавен и исполнет со позитивна енергија. Се одлучивме за нешто поинакво и со задоволство можеме да кажеме дека крајниот резултат е повеќе отколку што очекувавме и е во чекор со светските трендови во музиката и продукцијата. Време е да и се случи револуција на македонската музика”, велат Кристина и Душан.
Музиката и аранжманот се на Toby, додека автори на текстот се Кристина и Душан. Што се однесува до спотот, снимен е на локации во Скопје и Куманово.
