Дали сте знаеле дека со баладата „Sacrifice“ Елтон Џон го оствари својот 50-ти хит број 1 на топ листите во Обединетото Кралство. Тоа се случи на денешен ден во 1989 година. Пред него во тоа успеаа само Клиф Ричардс и Елвис Присли.
„Scrifice“ првенствено беше објавена само како сингл, кој на почетокот заглави на 55-то место на топ листите во Обединетото Кралство, а на 18-то во САД.
Откако англиските диџеи започнаа да ја форсираат на „BBC Radio 1“, песната доживеа успех и повторно беше објавена како двоен сингл – овој пат со нумерата на Елтон „Healing Hands“.
Музичарот за оваа песна објави и видео запис во кој е прикажан еден брачен пар во проблеми. Кога жената заминува, мажот останува сам со ќерката. Верзијата на нумерата во спотот е за нијанса побрза од онаа на албумот. Резултатот е повисокиот тон на вокалот и пократката должина на песната. Видеото е снимено во Лос Анџелес во 1989 година.
