Урната со посмртните остатоци на истакнатата актерка Неда Арнериќ, која почина минатиот петок на 67 години, денеска беше положена во Алејата на заслужни граѓани на гробиштата во Белград, пренесува еспресо.рс.
Колегите беа неутешни на последното испраќање на величествената Неда Арнериќ, која зад себе остави раскошна кариера, јавуваат српските медиуми.
Помеѓу собраните членови на нејзиното семејство, пријатели и колеги имало околу 150 луѓе, а меѓу присутните можела да се забележи и познатата актерка Аница Добра, која не успеала да ги задржи солзите.
Македонската публика вечно ќе ја памети Арнериќ по филмот „Исправи се Делфина“, кој останува да живее како безвременски класик.
